هذه طريقة للتخلص من السواد حول الرقبة
ملعقة عسل كبيرة،ملعقة عصير الليمون،بياض بيضةـتخليطين كل العناصر وتحطيهم على رقبتك لمدة ربع ساعة
وبعد الغسل حطي أي كريم مرطب الوصفة مضمونة مأئة بالمأئة

وصفة لتصفية الوجه
عندنا : الغاسول وكل وحدة فينا بطبيعة الحال كتعرفو موجود بكترة
وكذلك الليمون يعني الحمض
ودبا الطريقة : كنخدو شويا من الغسول - قياس منديرو فوجهنا - كنديروه فإناء ونعصرو عليه نصف حامضة ويلا شفت لغسول مزال مبغا يدوب زيدي عليه شوية دلما دافي وخليه شوية حتى يتجانس الخليط ويدوب لغسول
ومن ناحية بللي بشرة وجهكي بما دافي - هدي نقطة مهمة متحطيش لخليط على بشرة ناشفة - ودهني لخليط فوجهك وحتى عنقك وخليه حتى يبدا ينشف غير تحسي وجهك بدا يتكمش - هو دغيا كينشف على لوجه - بداي تفزكي يدك وتماسي وجهك بحركات دائرية حتى تحسي بديك لحبيبات ديال لغسول كينقيولك لمساماث وغسليه من بعد بما دافي أو من الأحسن بارد ودهني وجهك بقطعة فيها ماء ورد ... أنا كنكون موجدة قطعة ثلجية ديال مغلي لمعدنوس هدي رااااااائعة حتى هي لتصفية لوجه مرريها على وجهك بحركات دائرية
للإشارة أن الوصفة تصلح حتى لجسم بما فيه الظهر والصدر بنفس الطريقة كتحيد لحبوب ولي تراس تمااااما مع لمداومة


والنيجة صفاء وبياض ونضارة وعن تجررربة المواد كلها طبيعية ومن أحسن المواد لي وافقتني وأكيد توافق كل بشرة دهنية




غادي تجيبي واحد الكاس تديري فيه بودرة دجونسون (تالك) الى النصف يعني نصف كاس وربع كاس ماء ورد ملعقة ملح وملعقةسكر وملعقة كبيرة زيت الزيتون خلطو الكل ومن الاحن ديريها فمولينكس باش تندمج مزيان وتولي بحال لكريم
دهني بيها وجهك وخليها قد ما حبيتي وغسليها احلى حاجة فيها انها ما تتبانش يعني الى جا شي حد على غفلة يلقاك بحال الى ما ديرا والو نزيدك انا تنخلط شوية منها مع لكريم المرطب ونديرها تتولى بحال الى دايرة اساس لوجهك وتتزيدي تستافدي منها هد الشي بلا الريحة لغزالة والنعومة الخيالية

وصفة جديدة لصفاء الوجه
________________________________________
السلام لاخواتي
حبيت اليوم نعطيكم الوصفة ديالي اللي كانديرها ثلات مرات في الاسبوع.
الوصفة هي :
ملعقه كبيرة من الحناء
ملعقة كبيرة من سنيدة
ملعقة كبيرة من نيدو
نصف حامضة معصورة
تم يخلط الكل جيدا بماء الورد.
ديريه فوق وجهك و رقبتك اتركيه حتى ينشف تم غسليه بصابون الكف و الماء الدافئ.
ماتخافوش راه لون الحنة مكايبقاش في الوجه





لي تبغي مايبقى لها أثر للبطن أو الكرش عليها باش تبع هاذ النصائح

1 شرب ماء دافيء على الريق مع الإستيقاظ قبل ماتغسل و تفطر.

2 ينقع قليل من الكمون في ماء مغلي مع ليمونة مقطعه حلقات ويترك طوال الليل ويشرب في الصباح على الريق

بذرة الكتان منحف ممتاز والطريقة :-ملعقة وسط مع السلطة او مع الروب مع ملاحظة عدم طحنها

وصفه للتنحيف:

عصير نص ليمونه+ نصف ملعقة كمون + زنجبيل اخضر بحجم الابهام + وريقات من النعناع تضعينهم على كوبين ماي الطريقة يغلي على النار غلوتين ويترك قليلا ثم يصفى ويشرب ملاحظة:-عصير نص ليمونه + نص الليمونه نفسها بعد العصر.



عندك آثار حبوب
خودي الحمص مرقد و دقيه و زيدي عليه شوية الماء و عصريه حتى تحصلي على ماء أصفر صفيه و إحتفظي فقط بالماء.
قومي بصلق بطاطا بقشورها وهرسيها بشوكة و زيدي عليها الماء ديال الحمص لحصلتي عليه.
هذا هو الماسك لغادة تبقاي ديريه لمدة ساعة كل يوم و غادة تشوفي افرق.



لتبييض البشرة...وصفة عجيبة للغاية...
________________________________________
بسم الله الرحمان الرحيم.
**قليل من مسحوق الحمص+قليل من مسحوق السانوج+عسل نحل+صفار بيض (الا كان بلدي احسن).
**تخلط المواد جيدا وتوضع على بشرة نظيفة لمدة 20 دقيقة ثم تبلل وتفرك بالاصابع بشكل دائري.
**يغسل الوجه ويمسح ثم نمرر عليه قطنة مبللة بماء الورد.
والله العظيم الا استادة معايا يلاه دارتها البارح وبان وجهها نقي وصافي.واختها كان فيها الكلف واختفى وصار وجهها ابيض وصافي جدا.
وانا سابداها اليوم ان شاء الله. والله الموفق.اللهم صل على محمد وعلى آله وصحبه أجمعين



لاشراقه الوجهة ولمعانه هذة واحد الوصفة شفتها فواحد المنتدى
**مسحوق الحبة السواء
**زيت الزيتون
نخلطه على شكل عجينة رخوة وعمله للوجه والرقبة.انا نعمله مرة اسبوعيا تنغيلو بالماء الفاتر ونمسح بماء الورد