ليه انا..؟؟
مالقيتي غير انا..؟؟
تزرعي فيني العنا ..؟؟
ونبته بداخل ضلوعي..؟؟
بذرها..
< حزني >
و< لوعي >
ماسقاها الا دموعي
وضي عيني يوم اسامر
نجمة الليل واسافر
من جروحك
او
لروحك
وللألم يبدا رجوعي
ويبدا هم الاسأله
ليه رحتي ..؟؟
ليه تركتي ..؟؟
كل دمعه في غيابك
تحتريك
واقفه دايم ببابك
لجل تمسحها يديك
ليه جرحتي
كل عرق في المحبه
مانبض الا لعينك
كم شكى من هم بعدك
ياحســـــــــــــــافه
وانتي وينك ..؟!
كنت خايف
من فراقك
وكنتي تهدي انيني
(( لاتخاف .. مستحيل بيوم اعاف .. حبك واجمل سنيني ))
ومابقى منك .. سوى الذكرى معاي ..!!
هي تواسيني ..!!
وتخفف من عناي ..
حتى صوتك لاسمعته
بنتثر فيني الحنين ..
وين راحت هالسنين ..؟؟؟؟
كل دروبي يم دربك
صدقيني موحفظته ..
انا في قلبي نقشته ..!!
كيف اذمك
وانا في اصغر تفاصيلي
اضمك ..؟؟؟
صرت اهاب الحب بعدك
من سبب هجرك وصدك
باشتكي بك للغريب
حتى مايعرف غلاتك ..؟!
بس ادري
بيلمح وجودك بعيني
وفي ملامح دمعتي
وفي صعوبة بسمتي
في شجوني وغدر حبي
حتى في العبره السجينه
حتى في البعد وحنينه
ادري بيشفق لحالي
((هالمحب الله يعينه ))
كم يعاني ..
وانا لحظتها بدور للمعاني
واوقف وكلي شموخ
رغم ضعفي وانكساري
بس مدري
اقدر اقاوم واداري
لو ذكر اسمك لساني ..؟؟؟؟
معانق الغيم